Баракелде - «Ар-Намыс» партиясы президентикке талапкерди июль айынын акырында көрсөтө тургандыгын «Ар-Намыс» фракциясынын депутаты Турсунбай Бакир уулу билдирди.
Анын айтымында, аталган саясий партиянын 9-июлда өткөн съездинде президентикке талапкерлер көрсөтүлгөн. Алардын арасында Т.Бакир уулу да болгон. «Бирок мен мындай сунуштан баш тартып, талапкерлигимди көрсөткөнү үчүн партия мүчөлөрүнө ыраазычылыгымды билдирдим. «Ар-Намыс» менен «ЭрК» партиялары парламенттик шайлоо алдында бириккени белгилүү. Ушундан улам «Ар-Намыстан» президентикке башка талапкерлер көрсөтүлсүн деген оюмду айттым. Мен Акылбек Жапаровдун да, Анарбек Калматовдун да талапкерлигин колдойм», - дейт Т. Бакир уулу.
Мындан тышкары Т. Бакир уулу «Ар-Намыстын» лидери Феликс Кулов менен кеңешкендигин айтты. Анын айтымында, Ф.Кулов саясий кырдаалга байланыштуу президенттик шайлоого катышпай тургандыгын айтып, талапкер катары чыкса колдой тургандыгын билдирген.
«Бул шайлоо баштагыларына салыштырмалуу таза болоруна ишенем»,-деп оюн жыйынтыктады депутат.
Пикир калтыруу
Башка бирөөнү басмырлаган сөздөрдөн жана маданиятка туура келбеген пикирлерден алыс болгулаСайттын жамааты себебин түшүндүрбөстөн билдирүүлөрдү алып салганга укуктуу.
Сайттын жамааты билдирүүлөрдүн мазмунуна жооп бербейт. Автордун ой-пикири редакциянын ой-пикири менен төп келишпеши мүмкүн.
Каттала элек болсоңуздар - Каттоо
Пикир (0)