Баракелде - Ысык-Көл облусунун Ак-Суу районуна караштуу Курбу айылында бүгүн, 26-январда жаңы мектептин имараты ачылып жатат.
Облмамадминистрациясынын басма сөз кызматы билдиргендей, 1100 калкы бар Ак-Суу районунун Курбу айылынын тургундары үчүн бүгүн чоң майрам уюштурулуп жатат. Себеби, 2006-жылы салынып башталган Чынтемир Осмонов атындагы мектептин жаңы имараты салынып бүтүп, бүгүн ишке берилди.
Мектеп Ысык-Көлдү өнүктүрүү фондунан каржыланып, жылпы суммасы 4 млн 320 миң сомду түздү. Салынган бул мектеп 120 окуучуга эсептелип, облустагы салынып жаткан мектептер сыяктуу эле жаңы инвентаризациясы менен тапшырылды.
Мектептин ачылыш салтанатына облус губернаторунун орун басары Валерий Ситчихин, областтык капиталдык курулуш башкармалыгын башчысы Айтбек Окенов жана райондун жетекчилери катышышты.
Ар бири өз каалоо-тилектерин айтышып, акыркы жылдагы облустагы социалдык объектилердин салынышы, ремонт иштеринин жасалышы тууралуу да маалыматтар айтылды.
Эскерте кетсек, жанырган 2012-жылы аталган мектеп экинчилерден болуп ачылып жатат. Албетте облустагы жакшы саамалыктар болуп жаткандыгына байланыштуу облус жетекчиси Мирбек Асанакуновдун дарегине жергиликтүү жашоочулар чоң кубаныч менен өз ыраазычылыктарын айтып жатышты.
Пикир калтыруу
Башка бирөөнү басмырлаган сөздөрдөн жана маданиятка туура келбеген пикирлерден алыс болгулаСайттын жамааты себебин түшүндүрбөстөн билдирүүлөрдү алып салганга укуктуу.
Сайттын жамааты билдирүүлөрдүн мазмунуна жооп бербейт. Автордун ой-пикири редакциянын ой-пикири менен төп келишпеши мүмкүн.
Каттала элек болсоңуздар - Каттоо
Пикир (0)