Баракелде - Бүгүн, 27-январда борбордогу №1 тергөө абагында Жаза аткаруу мамлекеттик кызматынын төрагасы Ш.Байзаковдун буйругу менен пландык текшерүү болду.
Текшерүүгө Акыйкатчы институтунун өкүлдөрү, тергөөчүлөр, Жаза аткаруу кызматынын жана №1 тергөө абагынын кызматкерлери катышты.
Текшерүү учурунда мыйзам боюнча уруксат болбогон буюмдар алынды. Анда уюлдук телефон, акча, балка жана башка темирден жасалган буюмдар табылды.
«Бүгүн 15 камераны тандоо жолу менен текшердик. Текшерүү Акыйкатчынын өкүлүнүн катышуусунда болду. Эч кандай күч колдонуу, уруп-согуу болгон жок. Алынган буюмдар боюнча акт түзүлүп, жыйынтыгы чыгат», - дейт аталган тергөө абагынын жетекчиси Марс Жусупбеков.
Ал кошумчалагандай бул сыяктуу пландуу текшерүүлөр ар шейшемби жана бейшемби күндөрү өтөт.
Фото, видео: Баракелде
Пикир калтыруу
Башка бирөөнү басмырлаган сөздөрдөн жана маданиятка туура келбеген пикирлерден алыс болгулаСайттын жамааты себебин түшүндүрбөстөн билдирүүлөрдү алып салганга укуктуу.
Сайттын жамааты билдирүүлөрдүн мазмунуна жооп бербейт. Автордун ой-пикири редакциянын ой-пикири менен төп келишпеши мүмкүн.
Каттала элек болсоңуздар - Каттоо
Пикир (0)