Баракелде - Бүгүн, 27-январь күнү Ош шаарында Ош облусттук мамлекеттик администрациясында вице-премьер-министр Гулнара Асымбекованын катышуусунда 2011-жыл жыйынтыгы боюнча коллегия болуп өттү. Бул тууралуу «Баракелденин» түштүк аймагы боюнча өкүлчүлүгүнүн кабарчысы маалымдады.
Облус губернатору Сооронбай Жээнбеков 2011-жылы облус аймагында аткарылган иштер боюнча маалымат берди.
«2011-жылы облустун өнөр жай продукцияларынын көлөмү 2 млрд 766 млн 200 миң сомго жетип, 2010-жылга салыштырмалуу 660 млн 500 миң сомго көбөйүп, физикалык көлөмдүн индекси 15,1 пайызга өстү. Бул өсүү облустагы өнөр жай ишканаларынын жана жаңы ишке киргизилген кичи ишкана-цехтердин эсебинен камсыз кылынды», - дейт С.Жээнбеков.
Анын айтымында, облуста кайра иштетүү өнөр жайында өнөр жай продукциясын өндүрүүнүн көлөмү 1 млрд 571 млн 900 миң сом болуп, өткөн жылга салыштырмалуу 288 млн 800 миң сомго көп өнөр жай продукциясы өндүрүлдү.
Ал кошумчалагандай, тоо кен казуу өнөр жайында облус боюнча өндүрүүнүн көлөмү 626 млн 900 миң сомду түзүп, өткөн жылга салыштырмалуу 317 млн 100 миң сомго көп өндүрүлгөн.
Жыл башынан бери облус боюнча 25 жаңы өнөр жай кичи ишканалары ишке киргизилип, ар түрдүү обьективдүү себептер менен облус боюнча жалпысынан 28 кичи жана орто ишканалар токтоп турушат.
Пикир калтыруу
Башка бирөөнү басмырлаган сөздөрдөн жана маданиятка туура келбеген пикирлерден алыс болгулаСайттын жамааты себебин түшүндүрбөстөн билдирүүлөрдү алып салганга укуктуу.
Сайттын жамааты билдирүүлөрдүн мазмунуна жооп бербейт. Автордун ой-пикири редакциянын ой-пикири менен төп келишпеши мүмкүн.
Каттала элек болсоңуздар - Каттоо
Пикир (1)