Баракелде - Жалал-Абад шаарында Экономика жана ишкердик университетинин профессордук окуутучулардын жана кызматкерлеринин арасында спартакиаданын өткөрүлдү. Бул тууралуу окуу жайдын 1-проректору Абдилбает Мамасадыков аймактык кабарчы Орозалы Карасартовго билдирди.

А.Мамасыдыковдун айтымында, 5 күнгө созулган спартакиадага административдик башкаруу аппараты, Финансы жана башкаруу факультети, Экономика, менеджмент жана маалыматтык технологиялар факультети, Эл аралык кыргыз түрк институту, Гуманитардык-экономикалык колледжи катышып спорттун 8 түрү (волейбол (эркектер, аялдар), баскетбол (эркектер, алдар), стол тенниси (эркектер, аялдар), бильярд (эркектер) эстафета (аялдар,эркектер), аркан тартыш (аялдар,эркектер), шахмат (аялдар, эркектер) гирь көтөрүү (эркектер)) түрү боюнча мелдешишти.

«Спартакиаданын жалпы байге фонду 100 миң сомду түздү. Бул акчалар университетибиздин ректораты жана профсоюдук кошуну тарабынан каралган, ар бир командадан кирүү взносу жана областтык профсоюздук кошун тарабынан берилген. Спартакиадага бардык командалар активдүү катышты»,-дейт А.Мамасадыков.

Жыйынтыгында 1-орунду административдик башкаруу аппараты, 2-орунду Финансы жана башкаруу факультети, 3-орунду Экономика, менеджмент жана маалыматтык технологиялар факультети, 4-орунду Эл аралык кыргыз түрк институту, 5-орунду Гуманитардык-экономикалык колледжи ээледи. Спартакиадага активдүү катышкан мугалимдерге ректораттан дипломдор, акчалай сыйлыктар, ар бир факультет кошумча өздөрүнүн баалуу сыйлыктарын тапшырышты.