Баракелде - 31-январда республикалык «Сейтек» балдар-өспүрүмдөр борборунда «Америка ырларынын» таймашынын жыйынтыктоочу кечеси болуп өттү. Бул иш-чара Бишкектеги АКШ элчилиги менен англис тил мугалимдеринин «Форум» ассоциациясы, «Американын музыка борбору» жана Билим берүү жана илим министрлиги тарабынан уюштурулду.
Америка Элчилигинин басма сөз кызматы билдиргендей, Бишкектин 18 мектебинен 130 окуучу соло, вокал жана хор багыттарында ат салышышты. Таймаштын катышуучулары алдын ала өткөрүлгөн тандоодон кийин өз мектебинин атынан катышууга жолдомо алышты. Бул таймашта катышуучулар өзүнүн англис тилинин деңгээлин жана таланттарын көргөзүүгө мумкүнчүлүк алышты.
АКШ Элчилигинин өкүлү жана Билим берүү жана илим министринин орун басары катышуучуларга ийгилик каалап, таймаш кечесин чогуу ачышты. АКШ Элчилиги утушка ээ болгон окуучуларга гана белек бербестен, алардын мектебине да белек тартуулады. АКШ Элчилигинин коомчулук менен байланышуу бөлүмүнүн жетекчиси Кимберли МакДональд бардык катышуучуларды куттуктап, аларга футболка жана сертификаттарын таратып, утушка ээ болгон 9 шыктуу окуучуларга белектерди тапшырды.
Пикир калтыруу
Башка бирөөнү басмырлаган сөздөрдөн жана маданиятка туура келбеген пикирлерден алыс болгулаСайттын жамааты себебин түшүндүрбөстөн билдирүүлөрдү алып салганга укуктуу.
Сайттын жамааты билдирүүлөрдүн мазмунуна жооп бербейт. Автордун ой-пикири редакциянын ой-пикири менен төп келишпеши мүмкүн.
Каттала элек болсоңуздар - Каттоо
Пикир (0)