Баракелде - «Арена kg» гезитинин 2-февралда чыккан санында жазылгандай, К.Ташиев саясатка анчалык аралаша электе жаш кыз анын Жалал-Абад шаарындагы кафесине жумушка кирип калат. Ал кызга Ташиев эркектик мамилесин көрсөтпөй, карындашындай көрүп жүрөт.

«Анан эле күтпөгөн жерден кырдаал өзгөрүп, К.Ташиев депутат болуп, Бишкекке келет. Артынан тигил кыз да келип, Бакыт Төрөбаевдин тамактануучу жайына жумушка орношот. А Ташиев менен Төрөбаев жакшы мамиледе экен», - деп жазат гезит.

Гезитте жазылгандай, бир күнү адаттагысындай саясаттагы досунун кафесине тамактанганы барган депутат өзүнүн илгерки кадрын көрүп, мына ошондо гана эркектик сугун артып калыптыр.

«Кызга тийише сүйлөп, жигиттик мамилесин баштады дейт. Бир күнү кыздын курбусун чакырып, ага «подход» түзө коюп, сулууну мени менен жолугуштуруп бер дейт. Курбусу курбусунун кулагын кызартып атып, жумуштан кийин жолугушууга макулдатат», - деп жазат гезит.

Анда жазылгандай, Ташиев дагы бир досу Курсан Асановду унаасын айдаттырып алып, кафенин маңдайында тигил кызды күтүп калат.

«Кыз кафеден чыкса эле маңдайында машине турат, рулда отурган Курсан Асанов дароо көзүнө чалдыгат. Жалал-Абадда иштеп жүргөнүндө Асанов күн сайын кыз иштеген кафеге келчү, жакшы тааныйт. Анын дагы Ташиевди агасындай көрүп калганга ага — карындаштык мамиленин чегин бузуп өтүш кыйынчылык туудурат», - деп жазат гезит.

Гезитте жазылгандай, тигилерди тигилип карап алгандан кийин, кыз ары жактан келаткан таксини токтотуп туруп, кетип калыптыр.