Баракелде - Ушундай аталыш менен «Вести» сайтына бүгүн, 20-февралда маалымат чыкты.

Ош шаардык кеңешинин уюштуруу бөлүмүнүн жетекчиси Мыскал Жолдошева аталган сайтка билдиргендей, депутаттыкка талапкерлигин койгондор 2010-жылдын 24-январына чейин билдирме арызын тапшырышы керек болчу, ал эми БШКнын календарлык планы боюнча, Ош шаардык кеңешине депутаттыкка талапкерлерди каттоо 2-февралда аяктаган.

«8 партия каттоодон өттү, бирок алардын арасында «Ата Журт» менен «Бүтүн Кыргызстан» партиялары жок. Каттоо эбак эле аяктап калган, көрүнүп тургандай, сыягы бул эки партия катышпай эле коюу чечимин кабыл алышкан го», - дейт М.Жолдошева.

Азырынча «Ата Журт» фракциясынын лидери Камчыбек Ташиев бул боюнча эч кандай ой-пикирин билдире элек.

Мындан улам, саясий серепчи Марат Казакпаев «Вести» сайтына азыркы Ош шаарынын мэри Ташиев менен Мадумаровдун жардамысыз эле шайлоодо жеңишке жетээри мүмкүн экендигин айтты. Ал белгилегендей, бирок, баары бир «Ата Журт» Ош шаардык кеңешин шайлоого катышуусу керек болчу. «Мырзакматов, Ташиев жана Мадумаровдор олуттуу оппозициялык альянс түзө алышмак. Албетте, Мырзакматов кандай болгон күндө да жеңип чыгат, анткени ал түштүк эли үчүн президент Атамбаевден өткөн улуттук лидер катары эсептелинет. Бийликтин азыркы мэрди кызматтан түшүрүү аракеттери чоң жаңылыштык болот. Анткени, ал жаңы кагылышууларды алып келиши мүмкүн», - дейт М.Казакпаев.

Саясий серепчинин пикиринде, М.Мырзакатовдун артында эл турат, андыктан кандай гана административдик ресурс болбосун, аны мэрлик кызматтан кетире албайт.

Белгилей кетсек, Ош шаардык кеңешинине шайлоо ушул жылдын 4-мартында өтөт. Учурда 45 депутаттык орунга 700 талапкер бар. 8 партия катышып жатат. Алардын арасында азыркы мэр Мелис Мырзакматовдун «Улуттар Биримдиги» партиясы да бар.