Баракелде - Жалал-Абад облусундагы Ала-Бука-Жаңы-Базар-Кировка жана Красная-Горка-Ак-Таш унаа жолдорун тазалоо иштери жүрүп жатат. Бул тууралуу ӨКМдин басма сөз кызматы билдирди.
Маалыматка ылайык, Ала-Бука-Жаңы-Базар-Кировка унаа жолун тазалоого Унаа жана байланыш министрлигине караштуу ЖЭМ-27 ишканасынан 1 даана Т-180, 2 даана ДТ-75, 1 даана Т-170, 1 даана Т-130 жана 12 жумушчу тартылган. Ал эми Красная-Горка-Ак-Таш унаа жолун тазалоо иштерине Унаа жана байланыш министрлигине караштуу ЖЭМ-27 ишканасынан 2 даана ДТ-75, 1 даана Т-170 тартылган.
Учурда аталган унаа жолдор жабык.
Андан сырткары, кечээ, 22-февралда Ош облусунун Алай районундагы Сары-Таш-Кара-Мык унаа жолунун 133-142-чакырымдарында бороон болуп, унаа жол жабылган. Унаа жолду тазалоо үчүн Унаа жана байланыш министрлигине караштуу ЖЭМ-16 ишканасынан 1 даана грейдер, 1 даана бульдозер тартылган. Азыркы учурда жол бир багытка ачылып, жолду кеңейтүү иштери жүрүп жатат.
Ошондой эле Ош-Сары-Таш-Эркештам унаа жолунун 224-238-чакырымдарында бороон болуп, унаа жол жабылган. Азыркы учурда бир багытка ачылган. Унаа жана байланыш министрлигине караштуу ЖЭМ-960 ишканасынан 1 даана бульдозер жана 1 даана грейдер тартылып кеңейтүү иштери жүрүп жатат.
Пикир калтыруу
Башка бирөөнү басмырлаган сөздөрдөн жана маданиятка туура келбеген пикирлерден алыс болгулаСайттын жамааты себебин түшүндүрбөстөн билдирүүлөрдү алып салганга укуктуу.
Сайттын жамааты билдирүүлөрдүн мазмунуна жооп бербейт. Автордун ой-пикири редакциянын ой-пикири менен төп келишпеши мүмкүн.
Каттала элек болсоңуздар - Каттоо
Пикир (0)