Баракелде - Кыргызстандагы студенттердин укугун коргоо кыймылынын мүчөлөрү тарабынан уюштурулган акцияда Нарын шаарындагы жогорку жана атайын орто окуу жайлардын студенттерине жашыл түстөгү 70тен ашуун баракчалар жана калемсаптар таратылган. Мындай маалыматты НМУнун бүтүрүүчүсү Эркингүл Бокоева билдирди, деп маалымдайт аймактык кабарчы Күмөндөр Усуптегин.
Таратылган баракчада студенттердин ар кандай укуктарга ээ экендиги менен катар студенттин окуу жайдагы ички эрежелерди карманууга, КРнын элдеринин улуттук салттарын сыйлоого, окуу жайларга келтирген зыяндарга юридикалык жоопкерчилик тартууга милдеттүү болоорлугу да жазылган экен. Айрым талдоочулар мындай кадамды жарандын милдетин көрсөткөн Нарын шаарындагы алгачкы акция катары баалашууда.




















Пикир калтыруу бөлүмү убактылуу жабык