Баракелде - Бүгүн, 5-июль күнү Ош шаарындагы Ош, Жалал-Абад шаарларын кайрадан калыбына келтирүү боюнча Мамлекеттик дирекция бул жылы 6 ай ичинде аткарылган жумуштардын жыйынтыгын чыгарды. Бул тууралуу Мамдирекциянын басма сөз кызматы билдирди, деп маалымдады «Баракелденин» түштүк аймагы боюнча өкүлчүлүгүнүн кабарчысы.

Маалыматка ылайык, 6 ай ичинде Мамдирекция тарабынан 1627 жеке менчик үй кайра калыбына келтирилди.

4030 жаранга кайтарымсыз  акчалай жардам берилди.  1555 жаранга ссуда берилди.

Учурда Ош шаарына караштуу Кең-Сай массивинде кварталдар ортосундагы жолдорду куруу иштери жүргүзүлүп жатат.

6 ай ичинде Ош областында 21 курулуш объекти, Жалал-Абад областында 19 курулуш объекти бүткөрүлдү. Жалпы 34 көп кабаттуу үйдүн курулуш иштери бүткөрүлүп, анын 17си пайдаланууга берилди.

Билим берүү тармагы боюнча - 6 мектеп жана бала бакча бүткөрүлүп, анын ичинен үчөө пайдаланууга берилди.

Бүткөрүлүшү пландаштырылган 6 саламаттыкты сактоо объектисинин ичинен бирөөсү пайдаланууга берилген.

Маданият жана спорт тармагы боюнча 20 объектин ичинен 12си  пайдаланууга берилген.

Административдик имарат категориясынан 6 объект пайдаланууга берилди.