Кирүү
Логин/E-mail
Пароль
Навигацияны ачуу

Нарында карагер айгыр үйүрдү карышкырлардан сактап калды (фото)

11:03, 15 Февраль 2013

Үстүбүздөгү жылдын 13-февралынын түнүндө Нарын районуна караштуу Ак-Кудук айылынын тургуну Бакиров Кабылдын кышкы жайытта жүргөн жылкыларына карышкырлар кол салышкан. Бул тууралуу «Баракелдеге» окуянын күбөлөрү билдиришти.

К.Бакировдун айтымына караганда, карышкырлардын саны үчөө болгон. Жаңы жааган карга түшкөн издерди изилдөөлөрдүн негизинде окуя төмөндөгүдөй болгон. Карышкырлар түнкү саат үч-төрт чамасында жылкыларга кол салышкан. Карышкырлар кол салган учурда карагер айгыр үйүрүн коргоп, карышкырлар менен айгышкан күрөш жүргүзгөн. Карагер айгырдын ээсинин сөзүнө караганда, ал жылкылардын жанына келген иттерди кубалап сазайын колуна берчү дейт.

Ошентип, карышкырлар менен кармашып жатып, аларды үйүрдөн оолактатып кокту ылдый алып жөнөгөн. Жылкыга жолотпосуна көзү жеткен карышкырлар, айгырга асылышкан. Карышкырлардын бирөөнү тиштеп, ыргытканы кардын үстүнө түшүп калган жүнүнөн билинип турат. Карагердин эки санына жабышкан эки карышкырды ыргыта тээп, качып отуруп, Үч-Булак кыштоосундагы сарайга келип бир тийет. Эл жашаган кыштоодон айбыккан карышкырлар артка тартышат да, жыйынтыгында Карагер жана анын үйүрү аман калышат. Сүрөттө карышкыр тартып кеткен Карагердин арткы эки саны.

карагер 

карагер1

КОММЕНТАРИИ
X
Для размещения комментария авторизуйтесь
Кырсык жана кылмыш
 
 

Кирүү

  Жогору