Баракелде - Кыргыз акындары өзбек ырчысы Юлдуз Усманованын Ош тополоңдорунан кийин кыргыздар тууралуу чыгарган ырына нааразы болуп, ага жооп катары ыр чыгара башташты.

Төмөнкүдө Жеңишбек Жумакадыр деген акындын ыр саптары сунушталат.

Кыргыз - кыргыз улуу элмин деп билгин,             

Кылымдарга улуулугун  жеткирдиң.                      

Кечиримдүү, кек сактабас кыргызды,                    

Кемсинтүүгө акысы  жок эч кимдин.

Мээрим төккөн урпагысың  баатырдын,

Мекендешин айкөлдүккө чакыргын.

Мээ чиритпе ырларына ойлонуп,

Мекенине батпай жүргөн катындын.

Ар бирибиз Манаспыз,

Ар бирибиз Чынгызбыз,

Аалам карап суктанат,

Анткени биз Кыргызбыз. 

Кейиш тартып үмүтсүзгө алдырба,

Керемет бир жашоо турат алдыңда.

Кыргызстанда жашаш керек башкалар,

Кыргыздардын канатынын алдында.

Кыргыз жашайт Кудай берген дин менен

Кыргыз жашайт Манастагы  дил менен

Коон сатат, тулпар минип жүрө албай,

Коен жүрөк кымыз  баркын билбеген.

Ар бирибиз Манаспыз,

Ар бирибиз Чынгызбыз.

Аалам карап суктанат,

Анткени биз Кыргызбыз.

Каалабастан эркиндиктин бекемин,

Каталашат «биз  кыйынбыз» десе ким.

Кара башын котороордо коноктор,

Караш керек кимдин үйү экенин.

Жанын жеген туугандарым  нечен көп,

Жанталашат кыргызды баш кесер деп,

Жалган айтып мусулмандык  жолунда,

Жай намазга жыгылганың бекер кеп.

Кыргыз десе кытай коркуп ийилчү,

Кыраандары кыргыздардай кийинчү.

Кызыккандар окуп алсын тарыхты,

Кыргыз эли Кыргыз тили биринчи.