Кирүү
Логин/E-mail
Пароль
Навигацияны ачуу

Улуу Ата Мекендик согуштагы Жеңиш күнүнүн 70 жылдыгы Кыргызстанда жалпы элдик майрам катары белгиленет

08:50, 26 Апрель 2013

Кечээ, 25-апрелде президент Алмазбек Атамбаев «1941-1945-жылдарда Улуу Ата Мекендик согуштагы Жеңиш күнүнүн 70 жылдыгын майрамдоого даярдык көрүү жана өткөрүү жөнүндө» жарлыкка кол койду. Бул тууралуу президенттин аппаратынын маалыматтык саясат бөлүмү маалымдайт.

Жарлыкта мындай деп белгиленет:

«2015-жылы май айында дүйнө жүзүндө адамзаттын жаңы тарыхында фашизмдин үстүнөн болгон жеңиштин, Улуу Жеңиштин 70 жылдыгы белгиленет. Жүз миңдеген кыргызстандыктар баатыр Советтик Армиянын курамында 1941-1945-жылдарда Улуу Ата Мекендик согуштун майдандарында салгылашып, миллиондон ашык мекендештерибиз оорукта бел чечпей эмгектенип, кайратмандыктын, туруктуулуктун жана адилеттүү жеңишке болгон бекем ишенимдин үлгүсүн көрсөтүшкөн.

1941-1945-жылдарда Улуу Ата Мекендик согушта фашизмдин үстүнөн болгон Жеңиштин дүйнөлүк тарыхый маанисин көңүлгө алып, кыргызстандык-жоокерлердин ченемсиз баатырдыгына терең таазим этүү, Ата-Журтту коргоодо көрсөткөн эрдиги жана баатырдыгы, ооруктагы каарман эмгеги үчүн ардагерлерге ыраазычылык билдирүү менен токтом кылынат:

Улуу Ата Мекендик согуштагы Жеңиш күнүнүн 70 жылдыгы Кыргызстанда бүткүл элдик майрам катары белгиленсин.

Кыргыз Республикасынын өкмөтү:

- Улуу Ата Мекендик согуштагы Жеңиш күнүнүн 70 жылдыгын 2015-жылы майрамдоого даярдык көрүү жана өткөрүү боюнча уюштуруу комитетин түзсүн;

- 2013-2015-жылдарга Жеңиштин 70 жылдык маарекесине даярдык көрүү жана өткөрүү боюнча Улуттук программаны иштеп чыксын жана кабыл алсын, анда Улуу Ата Мекендик согуштун ардагерлеринин социалдык абалын жакшыртуу жана колдоо боюнча кардиналдуу чараларды карасын;

- Улуу Ата Мекендик согуштагы Жеңиш күнүнүн 70 жылдыгын майрамдоого даярдык көрүү жана өткөрүү боюнча Улуттук программаны жүзөгө ашырууга бюджеттик жана башка каражаттарды бөлүүнү карасын жана ушул Жарлыктан келип чыккан уюштуруу жана башка маселелерди чечсин.

Муну менен бирге төмөнкүлөрдү зарыл деп эсептейм:

- Жеңиш күнүнүн 70 жылдыгын майрамдоо боюнча, анын ичинде кыргызстандыктардын Улуу Ата Мекендик согуштагы жеңишке кошкон салымына арналган иш-чараларды өткөрүүнү жалпыга маалымдоо каражаттарында кеңири чагылдыруу;

- мурдагы СССР элдеринин Улуу Ата Мекендик согуш жылдарында көрсөткөн эрдигин жана баатырдыгын эсте сактоо жана түбөлүккө калтыруу, өсүп келе жаткан муунду жарандык атуулдукка, фашизмге каршы күрөшүүдө согуштун ардагерлеринин ченемсиз эрдигине сыймыктануу сезимин тарбиялоо боюнча калк арасындагы иш жүргүзүү;

- Улуу Ата Мекендик согуштун баатырларына арналган мемориалдык комплекстерди, эстеликтерди, эскерүү мамыларын сактоо боюнча чараларды кабыл алуу.

Бул Жарлыктын аткарылышын контролдоо президенттин аппаратынын жетекчисине жүктөлдү. 

Бул Жарлык расмий жарыяланган күндөн тартып күчүнө кирет.

КОММЕНТАРИИ
X
Для размещения комментария авторизуйтесь
Коом
 
 

Кирүү

  Жогору