Баракелде - Нарын облустук мамлекеттик администрациясынын жаш адистеринин мүмкүнчүлүктөрү чектелип жатат, деп билдирүүдө нарындык эркин журналист Нурдин Токторбаев.

Анын айтымында, алды жыйырма жыл болуп калган иш стили, методу, форматы, мазмуну, формасы дагы эскирген бюрократ-чиновниктер жаш адистерди, келечек ээлерин басмырлап: «Силер обладминистрациянын ичинде жооптуу иштерге татыксызсыңар, дараметиңер, мүмкүнчүлүгүңөр жетпейт» деп жатышат.

«Туура, жаштардын кары чиновниктердикиндей материалдык, «тааныштык», «алыш-катыштык» мүмкүнчүлүктөрү чектелүүдүр. Бирок, конкреттүү иш боюнча, дарамети улгайган адистерге караганда кыйла жогору. Бакиевдерди кимдер кулатып, кимдердин каны төгүлдү?Бул жерде, ошол эле улгайган майда чиновниктердин айынан акыркы беш айдан бери ваканттык административдик кызмат үчүн боло турган конкурс улам токтотулуп болбой келүүдө. Конкурс маселеси чоюлуп олтуруп шайлоодон кийинкиге калбаса болду», - дейт Н.Токторбаев.

КР мамлекеттик кызмат боюнча Агенттигинин жетекчиси Ч.Арабаевдин конкурска мыйзам чегинде жаңы структура болгондо кары, жаш дебей катышат деген катына карабастан, сынакка жаштар гана кирет, ошондо да катардагы адистик гана оорунга деп чечилип, ал эми, бөлүм башчынын ордуна болсо улгайган кадрлар гана конкурссуз отурууга аракет кылып жатышат. Бул маселенин мыйзамдуу чечилиши боюнча бир топ арыздар учурда комиссия түзүлүп, соттордун кароосуна жиберилүүдө.