Баракелде - Мугалимдердин Ош облустук кеңешмеси 28-августа өттү. Жыл сайын салтка айланган бул конференция быйыл кеңешме деп аталып, жаңы окуу жылына билим берүү мекемелердин даярдыктары, окутуу усулдар жана башка багыттар туурасында кеңешип, жыл жыйынтыгы чыгарылды.

Мындан сырткары, Ош облусунун губернатору тарабынан билим берүү мекемелердин жаңы окуу жылына сапаттуу даярдыгы багытында облустук кароо-сынак жарыяланган. Бул сынакка 80 миң сом акча каражаты сарпталып, жеңүүчүлөргө сыйлыктар тапшырылды. Анда 2000 сом өлчөмүндөгү кызыктыруучу сыйлыктар менен төмөндөгү район, шаардык билим берүү бөлүмдөрү сыйланды:

1.Өзгөн  шаардык билим берүү бөлүмү

2. Чоң-Алай  райондук билим берүү бөлүмү

3. Араван  райондук билим берүү бөлүмү

Ош облусунун «Билим берүү мекемелерин 2010-2011-жаңы окуу жылына карата өз убагында сапаттуу даярдоо» боюнча облустук  кароо-сынагында 3-орунду ээлегендиги үчүн 3-даражадагы диплом жана 6000 сом өлчөмүндөгү акчалай сыйлык менен Алай райондук билим берүү бөлүмү жана Кара-Кулжа райондук билим берүү бөлүмү,  2-орунду ээлегендиги үчүн 2-даражадагы диплом жана 14 000 сом акчалай сыйлык менен Өзгөн райондук билим берүү бөлүмү жана Ноокат райондук билим берүү бөлүмү, 1-орунду ээлегендиги үчүн 1-даражадагы диплом жана 30 000 сом акчалай сыйлык менен Кара-Суу райондук билим берүү бөлүмү сыйланды.