Баракелде - Баткен областынын губернатору Султанбай Айжигитов областтын мектеп окуучуларын жана жалпы педагогикалык жамаатын 1-сентябрь - Билим күнү жана жаны окуу жылынын башталышы менен куттуктады.
Обладминистрациянын басма сөз кызматы билдиргендей, Баткен областында быйылкы жылы 98 миңге жакын окуучу мектепке келсе, анын 8 миңден ашыгы мектеп босогосун алгачкы ирет аттады.
С.Айжигитов куттуктоо сөзүндө баса белгилегендей, учурда билим берүүдө гана эмес, тарбиячы катары да мугалимдерде чоң жоопкерчилик болуусу зарыл. Өлкөнүн Ош жана Жалал-Абад областтарында акыркы айларда болуп өткөн окуя элдин ынтымак жана биримдигине чоң сыноо болду. Дал ушул учурларда элдерди тынчтандырууда, ынтымакка чакырууда, айрыкча, жаштардын алган таалим-тарбиясы чечүүчү ролду ойногон. Ошондуктан мугалимдин билим берүүгө гана эмес, окуучуларды инсан катары тарбиялоого да чоң маани берүүсү зарыл экендигин губернатор айтып өттү.
75.8% (1241)
18.9% (310)
5.3% (87)
Пикир калтыруу
Башка бирөөнү басмырлаган сөздөрдөн жана маданиятка туура келбеген пикирлерден алыс болгулаСайттын жамааты себебин түшүндүрбөстөн билдирүүлөрдү алып салганга укуктуу.
Сайттын жамааты билдирүүлөрдүн мазмунуна жооп бербейт. Автордун ой-пикири редакциянын ой-пикири менен төп келишпеши мүмкүн.
Каттала элек болсоңуздар - Каттоо
Пикир (0)